शेतामध्ये खर्च करूनही कोणतेच उत्पन्न मिळत नाही, या मानसिक तणावामधून मोहोळ येथील एका २८ वर्षीय युवा शेतकऱ्याने झाडाला गळफास घेऊन आत्महत्या केल्याची घटना दि.२९ मार्च रोजी दुपारी साडेतीन वाजता च्या दरम्यान मोहोळ येथे उघडकीस आली.
याबाबत म्हणून पोलिसांनी दिलेल्या माहितीनुसार, मोहोळ येथील नरखेड रस्त्यावरील गायकवाड वस्ती येथे मनोज राजाराम गायकवाड (वय-२८) हा त्याचे वडील व आजी समवेत राहण्यास आहेत. त्यांच्या शेतामध्ये खर्च करून ही त्याला उत्पन्न मिळत नव्हते. त्यामुळे तो आर्थिक टेन्शनमध्ये असायचा. त्यामधूनच दि.२९ मार्च रोजी दुपारी साडेतीन वाजता च्या दरम्यान त्याने शेतातील लिंबाच्या झाडाला गळ्यातील पंचाने गळफास घेऊन आत्महत्या केल्याचे निदर्शनास आल्याची खबर मोहोळ पोलीस ठाण्यामध्ये मृताचे चुलते दयाराम पांडुरंग गायकवाड ( वय-६५) यांनी दिली असून यानुसार मोहोळ पोलिसात अकस्मात मृत्यूची नोंद करण्यात आली असून अधिक तपास पोलीस हेडकॉन्स्टेबल विजयकुमार माने हे करीत आहेत.
